賽日21 Feb 2016: 七場蔡神仙強勢

第 七 場

勝出練馬師 (組合獨贏)
組合 馬號
B1 蔡約翰 1,11
B2 約翰摩亞 2,10
B3 告東尼 6,7,9
B4 其他 3,4,5,8,12

人稱「蔡神仙」蔡約翰，星期日七場的兩匹出賽馬 首飾太陽 (配莫雅) 及 東方快車 (配田泰安)，擺明信心出擊。



首飾太陽在港出過的六戰，得五冠一亞，再配頂級騎師莫雅，上仗莫雅已經騎首飾太陽拎到個WIN，今仗再騎，可以確保萬無一失，讓首飾太陽力零錯誤完成賽事，順利過終點，不過首飾太陽過往的六戰未跑過田草1800，所以都有機會存在變數。差不多一個月前首飾太陽跑的香港一級賽 香港經典一哩賽，未段用23.20秒的時間追前1.5個馬位，其實都不是很強，再比較標準時間的22.80秒，係慢了0.4秒，以0.16秒一個馬位計算，即慢了兩個馬位有多，所以今次增程200米，對首飾太陽來說是一個考驗，在操練上同以往一樣，參賽前例必試閘，今次試閘安排在 12 Feb 2016 第 1 組 - 沙田全天候賽道 - 1200米，表現都係火辣辣，過終點仲有走勢。

至於東方快車港出過的七戰，得三冠一亞二季同埋一次第四名，又係全部都有獎金，不過現時就跑開三/四班，現時評分81分，沒有首飾太陽110分咁強勢，不過勝在東方快車近兩仗係跑1800及2000路程都係WIN，都叫做有同程賽績睇下，加返一些信心分數，此外由今季初出的60分加到80分，足足20分，都算幾勁。騎師配田泰安，此子今季騎東方快車三次，全部WIN，一定熟晒隻馬。以東方快車屬於前領馬，今次排12檔就有一些憂累。


蔡神仙今次這兩匹座騎，已經說控制了戰局，首飾太陽置中後上，東方快車前領，可以詰開邊一種步速都可以有蔡神仙的座騎跑出，勝出練馬師係蔡約翰絕對大利。