20160418 - 星期三谷草 第一場 第四後備馬匹 (森林姿彩 P167)

森林姿彩 原先已經報名參賽今個星期三 第一場 谷草1800，佢係排第四後備馬匹，但今日馬會方面就宣佈佢會退出呢場賽事。森林姿彩 今次退出原因係右前足不良於行，應該問題都不細喇，仲有點兒可惜呢...

呢匹六歲自購新馬一直都係 呂健威 馬房操練，直到今季 2016年1月1日 田草1800 終於W返一場，仲要排14檔，都可以算係開始收成啦，跟住隔一段時間 2016年1月31日再出 田草1600，可惜就跑得第6，冇所謂啦，呂sir 再收埋再操下，應該仲有得贏啦。

跟住到了今年三月，呂sir 就安排 森林姿彩 跑3月13日的田草1800，抽中12檔，真係好好彩同上次贏馬排的檔位又差唔多，排外檔，加上柏寶騎，所以屬於次熱門都唔出奇，不過獨贏賠率都有7.6倍係。不過意外就真係冇人預到...當日 森林姿彩 一出閘就幾乎停了...

馬會賽後查詢時，柏寶表示，「森林姿彩」出閘迅速，但其後嚴重失去平衡，後肢似乎未能走動。他說，他覺得坐騎已跛腳，因而立即收停牠。觀看過賽事影片後，小組確定，排在「森林姿彩」內側檔位的「霹靂去馬」於起步時向外斜跑，左前腿踢中「森林姿彩」的右後腿，導致該駒動作嚴重失去平衡，令騎師柏寶以為坐騎可能跛腳。賽後獸醫立即檢查「森林姿彩」，發現該駒的右後腿脛部及系部有數個細小的傷口，但由於該駒煩躁不安，因而未能替牠進行內窺鏡檢查。

咁最後隻馬就冇跛腳，照道理之後應該可以再跑，咁呂sir 就安排 森林姿彩 跑4月3日的田草1600，可惜就慘敗而回，排第13名過終點。但賽事途中又發生意外...

事緣在接近二百五十米處時，史卓豐騎的 東韻威威 容許坐騎在尚未帶離 森林姿彩 時向內移入，導致該駒勒避及失去應有的跑線。因此小組判罰史卓豐停賽（兩個香港賽馬日）直至四月二十一日星期四才可再次出賽。此項停賽罰則押後至四月十三日星期三跑馬地賽馬日後開始執行。此外，史卓豐被罰款三萬五千元，以代替停賽多一個賽馬日。

之後馬會賽後查詢時，柏寶表示，自第二檔出閘後他於早段催策坐騎以期盡可能佔取較前位置，然而「森林姿彩」頗為不願展步。他說，趨近千二米處時，他須大力催策「森林姿彩」以圖推進至較接近「東韻威威」之後的位置。他說，這導致坐騎其後於中段走勢較暢順，然而過了五百米處後，賽事步速加快，「森林姿彩」隨即須受催策。他又說，接近二百五十米處時，「森林姿彩」受干擾，對其催策反應僅屬一般，在受干擾後於末段墮退。賽後獸醫立即檢查「森林姿彩」，並無發現任何明顯異常之處。 

之後 森林姿彩 就停操了兩日，到4月6日先游水後踱步。

再睇返 森林姿彩 過往的傷病史，原來右腳之前係出過事，仲要做過手術:
14/11/2013 賽後翌晨右前腿不良於行：右膝碎片骨裂
26/11/2013 右膝接受內窺鏡手術


所以...森林姿彩 之後出賽仲跑唔跑到好成績就要觀察下喇。