20160418 - 4月20日星期三 谷草 騎練啟視 (方嘉柏 - 杜利萊) (第三場及第四場)

上一篇就講過方嘉柏會出8匹馬，詳程就以下: 之後今次就看看八隻馬中，第三場及第四場杜利萊座騎啦~

方嘉柏一共出8匹馬，分別係:
第1場: 糖黐豆
第2場: 罕曾見
第3場: 薑餅人
第4場: 光速銀桂
第5場: 進綵 & 雲呢拿
第7場: 勢必跑
第8場: 最新鮮






第3場: 薑餅人 (谷草1200 - 第四班)


嘩! 一睇戰績表就知呢隻馬跑今場上名應該冇難度啦，今季谷草1200跑過8場，4次上名，上名率50%，此外用返上場騎師杜利萊，即代表幕後有信心啦，上次極有可能博輸了，所以隔7日立即再出，話冇狀態都冇人信。

上仗 薑餅人 於眾駒即將入閘前失去左前蹄的蹄鐵，賽事因而延遲開跑。「薑餅人」重新裝上蹄鐵後接受獸醫檢查，獸醫認為該駒適宜出賽。跟據經驗，閘前搞下事，重新裝下野，多數都冇乜表現，但 薑餅人 最後都跑到個第三返來，其實已經好好，仲有一樣野，上仗過了三百米處後，薑餅人 係受困無路可上而收慢。

今仗 薑餅人 就抽中一檔，完全配合到佢發揮，點解?? 因為上次雖然排九檔，但沿途走位係 3-3-3，即代表放前走，咁一檔一出閘就慳唔少位啦，加上杜利萊大叔唔後生，力水一定冇後生仔咁多力，所以杜利萊可以留返D力在直路推上前啦。

所以今仗  薑餅人 絕對睇高一線。

第4場: 光速銀桂 (谷草1650 - 第四班)

今季就只贏過谷草1200，谷草1650就跑過五次，最叻係近期2016年3月16日跑到個第二返來，不過就有小小意外，騎師何澤堯就被馬會小組告誡何澤堯，必須加倍小心。咁上仗2016年3月31日就輸自己，冇乜意外關佢事，跑第六。

過往主要都係俾何澤堯騎，但今仗何澤堯就去騎葉楚航的真慷慨，咁光速銀桂就俾杜利萊騎。睇返晨操紀錄，杜利萊有幫過呢隻馬快操，所以都知道隻馬性格，話晒試過隻馬。咁今場仲有一個亮點係馬匹體重，今仗係1207磅，係算靚磅數靚體重，因為上季至今季贏馬體重分別係1201磅，1209磅，1204磅。不過今次排六檔算係一個不利因素，因為過往跑中檔不是太出色。

所以呢隻馬，今仗只算係中等馬，上唔上到名要看實際情況，例子場地變及行圈狀態等，賠率估計獨贏要6倍以上才值。