20160419 - 4月20日星期三 谷草 騎練啟視 （胡森）

胡森星期三的谷草只有一匹馬報名出賽，就係第二場 第四班 谷草1650的風采，會由蔡明紹策騎，呢匹英國出世的六歲馬今季就未贏過，最叻就係季初2015年9月9日跑同程谷草1650，跑了個第三返來，期後成績就差落去，未再上個名，仲要由上仗開始由第三班跌落第四班。

上仗係初跑四班賽 (田草1400)，結果賽績就麻麻地，只排第八過終點，當日隻馬就沿途三疊過彎，直路初都望空冇受阻，跑法算正正常常冇乜大意外或錯誤，不過直路就冇發揮，同埋隻馬在直路中段向內閃，導致冇望空啦。看來係騎師未能完全發揮應有的水準，就連直路末段都未能發揮其沖刺力。

今仗就換返蔡明紹騎呢隻，仲要晨操有一課快操由蔡明紹主操，都算有少少備戰，至於檔位雖然排11檔，但絕對唔會影響到風采的發揮，因為此駒多數留後跑，最重要今次蔡明紹捉緊個韁線，唔好俾隻馬左閃右閃就可以，此終呢隻馬上季都曾經上過二班拎過第二，實力應該都仲有少少野睇下。

預計此駒直路外疊後上追前，上名有望。